Nga BoldNews.al
Pak javë më parë, BoldNeës publikoi një investigim për sistemin ngrohje-ftohje të Kryeministrisë. Duke shfletuar dokumentet arritëm të zbulonim se ky tender, me vlerë plot 300 mijë USD, po bëhej në fakt për tekat e kryeministrit Edi Rama. Përpos këkresave specifike që këto pajisje duhen mirëmbajtur, mëndjendriturit e Ramës kërkonin edhe kondicionerë anti Covid.
Pra, ta ruanin “lartmadhërinë” e tij nga virusi që preku Shqipërinë. Ai nga i cili humbën jetën mijëra persona, që la me pasoja dhjetëra mijëra të tjerë. Apo virusi që varfëroi edhe më shumë shqiptarët. Por, për kryeministrin tonë, ne xhepshpuarit duhet të paguajmë sërish që ai mos të preket. Të ketë komoditete, apo lukse të tjera. Duke u ndalur te procedurat, tenderi ka vijuar që të bëhet, madje me shpejtësi për shkak edhe të ardhjes së verës.
“Frika” nga Rama, apo nga mosdjersitja e tij në ambientet e punës, i ka detyruar që të shpejtojnë me këtë tender, aq sa fituese nxorën ofertën më të lartë. Tenderi është pasqyrë e të gjithë tenderave të të “besuarëve” të Ramës, që fitues nxjerrin ofertat më të larta. Sipas dokumenteve që disponon BoldNeës, në këtë tender me objekt “riparim, mirëmbajtje sistemi të ngrohje-ftohjeve për Kryeministrinë”, me fond 27.343.934 lekë pa TVSH, morën pjesë 3 kompani, ose bashkime operatorësh. “Ecs Eco Climate Solution” & “Edmeli” ofruan 25.701.320 lekë, që ishin edhe fituesit. Por, “Gsm Klimare” & “Admir” ofruan 22.755.600 lekë dhe “Superior Group Klima” & “Leon Konstruksion” ofruan 23.839.200 lekë. Fituese, oferta më e lartë! Me rreth 50 milionë lekë të vjetra diferencë!
Kontrata, sipas dokumenteve, është lidhur me fituesin, i cili ka filluar menjëherë punën në kryeministri. Ditët e nxehta Rama do i kalojë në ajër më të pastër, madje edhe anti covid. Të paktën kështu shkruhej në dokumentet e tenderit; Domosdoshmëria për mirëmbajtjen e sistemit të kondicionimit tip VRV në ndërtesën e KM katet 0, +1, +2 dhe zyrat qëndrore të kryeministrit. Kërkohet mirëmbajtja dhe sjellja termike e ndërtesës. Dhe, mirëmbajtja e sistëmeve të ngrohjes, ventilimit dhe klimatizimit të ndërtesës së Kryeministrisë në kontekstin e COVID-19”. Më tej sqarohej se nje zonë me prioritet ishte edhe zyra e kryeministrit: Sipërfaqet që janë trajtuar me kondicionim janë sa më poshtë të plota duke përfshirë edhe pjesën e pangjyrosur e cila lidhet me përcaktimin ‘zyrat Qëndrore të Kryeministrit’.
