Shqipëria, e përfaqësuar nga Anxhela Peristeri me këngën “Karma” u kualifikua në finalen e 22 majit të “Eurosong 2021”.
Ardit Çuni, që është pjesë e delegacionit shqiptar në Roterdam, në funksionin e menaxherit tregoi për “Shqipëria Live”, emocionet e mbrëmjes dhe përshkroi entuziazmin e të gjithëve kur u thirr emri i Shqipërisë, si i pari vend që kualifikohet nga nata e dytë gjysmëfinale.
“Pamë një kamerë të na afrohej, aty mendova se mund të ishim të parët. Emocionet ishin shumë të mëdha. Kam grisur pantallonat duke kërcyer nga gëzimi. Atë moment, kemi pasur mbështetjen e Zvicrën nga pas, u ngritën dhe ata në këmbë”.
Zvicra përfaqësohet nga këngëtar shqiptar, Gjon, kënga e të cilit është pëlqyer dhe vlrerësuar nga juria dhe që po ashtu hyri në finale.
Çuni, madje shton se edhe Serbia iu bashkua festës tonë: “Kemi pasur ovacione të jashtëzakonshme nga delegacioni serb. Ne bëjmë muzikë, të tjerat ia lemë politikanëve”
Në Roterdam Ahoy vazhdojnë përgatitjet për natën finale të së shtunës, ku Anxheal do të performojë e dyta në radhë.
LEXO EDHE:
Momenti emocionues kur Anxhela Peristeri dhe ekipi mësojnë se u kualifikuan në finale
