Departamenti amerikan i Shtetit publikoi dje vendimin ku shpallte non-grata për SHBA ish-Presidentin dhe ish-Kryeministrin Sali Berisha, si dhe familjarët e tij të ngushtë.
Vendimi u pasua me reagime të shumta, ndërsa Berisha është zyrtari i 4-rt shqiptar që përfshihet në atë që konsiderohet si lista e zezë.
Po a ka lidhje me vendim i DASH me qëndrimet anti-Soros të ish-Kryeministrit Berisha?
Më 26 mars 2017, Berisha i kërkonte Senatit dhe Kongresit amerikan që të hetonte George Soros, të cilin e konsideronte si një monstër për demokracitë e reja.
Ndërkohë në të njëjtën datë, Berisha i kërkonte Komisionit Europian që të hetonte tentakulat e Soros në këtë institucion, madje duke kërkuar që manjati të shpallej person non-grata.
Katër vjet pas këtij reagimi të ashpër të ish-Kryeministrit, vjen vendimi i DASH, ku Sekretari amerikan i Shtetit, Antony Blinken, njofton se ish-Presidenti shqiptar, Sali Berisha, dhe familjarët e tij të ngushtë, përfshihen në listën e zezë.
Publikimi i qëndrimit jep edhe sqarimet përkatëse lidhur me shkaqet që kanë çuar në këtë vendim, ndërsa ish-Kryeministri Berisha në reagimin e tij kërkonte publikimin e çdo dokumenti dhe të dhëne që disponon SHBA.
Antony Blinken është djali i Donald dhe Vera Blinken. Babai i tij ka shërbyer si Ambasador i SHBA në Hungari nga 1994 në 1998, ndërsa Vera është me origjinë hungareze. Donald dhe Vera Blinken janë angazhuar në themelimin e Universitetit të financuar nga Soros në Budapest.
Fillimisht, George Soros themeloi tre kampe të Universitetit të Evropës Qendrore (CEU): në Pragë, Varshavë dhe Budapest. Menjëherë pasi Václav Klaus u bë president i Republikës Çeke në 2003, Soros vendosi të mbyllë kampusin e Pragës për shkak të qëndrimit antagonist të Klaus ndaj Soros dhe idenë e tij për një shoqëri të hapur. Kampusi i Varshavës nuk lulëzoi. Nga ana tjetër, kampusi i Budapestit u kthye në një nga universitet më të rëndësishme në rajon që nga hapja e tij.
Xhevahiri i kurorës së CEU është arkivi i saj, i cili që nga 3 nëntori quhet Arkiva e Shoqërisë së Hapur të Vera dhe Donald Blinken.
