Partizani do të luajë ditën e premte “finalen” e radhës. Pas fitores në Durrës, të kuqtë do të kërkojnë një tjetër 3 pikësh për të ruajtur vendin e parë dhe fitimi i titullit kampion është vetëm 180 minuta larg.
Për këtë ndeshje, Partizani do të ketë një mungesë të madhe si ajo e Jasir Asanit. Sulmuesi ka plotësuar numrin e kartonave të verdhë e për këtë arsye nuk do të ketë mundësi të zbresë në fushë. Sikur të mos mjaftojë mungesa e Asanit, një tjetër titullar shqetëson trajnerin Daja.
Bëhet fjalë për Stenio Junior, sulmuesi ka probleme fizike dhe mungoi ndaj Teutës. Stafi teknik po bën gjithçka që lojtari të jetë gati për këtë ndeshje kaq të rëndësishme duke parë edhe mungesën e Asanit, Junior do të jetë një “armë” më shumë në fushë për Partizanin, ndërsa gjithçka do të vendoset në stërvitjen e fundit.
