U luajtën ditën e sotme 4 sfidat e Kategorisë Superiore U21, ndeshje të vlefshme për javën e 25-të të kampionatit.
Bylisi shkërmoqi 0-5 në transfertë Vllazninë duke thelluar diferencën me shkodranët në 6 pikë dhe duke u shpallur kështu kampione e Kategorisë Superiore të 21 vjeçarëve. Ballshiotët mbyllën kështu me sukses një kampionat të luftuar duke besuar deri në fund tek triumfi.
Ndeshje spektakolare ishte dhe ajo ndërmjet Football Republic dhe Laçit në të cilën kurbinasit triumfuan me rezultatin 5-7. Heroi për Laçin ishte Prenga, i cili realizoi tripletë në këtë takim. Laçi renditet në vendin e dytë në klasifikim me vetëm 3 pikë diferencë nga Bylisi kryesues.
Tirana mori një fitore të thellë 5-0 në shtëpi përballë Turbinës me nga një dopietë të Aliajt dhe Demajt. Bardheblutë mbeten në mesin e tabelës në vendin e 6-të në kuotën e 37 pikëve, ndërsa Turbina renditet një vend më poshtë me 6 pikë më pak se bardheblutë.
Në sfidën tjetër, Kukësi mposhti 1-2 skuadrën e Dinamos, me një gol në minutën e 94-ët nga Zijai.
Rezultatet
Football Republic-Laçi 5-7
Tirana-Turbina 5-0
Vllaznia-Bylis 0-5
Dinamo-Kukësi 1-2
Rezultatet:
