Reperi i njohur 34-vjeçar, Ledri Vula, është vaksinuar kundër virusit COVID-19 në Shqipëri. Për të kryer vaksinimin ai ka ardhur në Tiranë, pasi ka pasaportë shqiptare.
Në një kohë kur jashtë qendrave të vaksinimit të moshuarit presin në radhë me orë të tëra, Ledri ka hyrë lehtësisht dhe ka bërë vaksinën. Ajo që ështe ende e paqartë është kategorisë së cilës reperi Vula i përket për të përfituar vaksinimin, pasi ai është në moshë të re dhe mesa dimë nuk ka ndonjë sëmundje.
Të pranishmit, përfshirë edhe infermierët, kanë nxjerrë telefonat dhe kanë kthyer reperin në qendrën e vëmëndjes duke harruar totalisht pandeminë dhe distancimin social.
