Pronari i banesës së përfshirë nga flakët në zonën e “Myslym Shyrit” është transportuar në spital.
Policia njoftoi se rreth orës 14:50, në rrugën “Aldi Boshnjaku”, ka rënë zjarr në katin e 5 të një pallati dhe si pasojë është dërguar për ndihmë mjekësore pronari i banesës i cili ka shfaqur disa shqetësime shëndetësore.
Shërbimet e zjarrfikëses ndodhen në vendngjarje dhe bënë të mundur fikjen e zjarrit.
Grupi hetimor vijon punën për sqarimin e rrethanave të ngjarjes dhe përcaktimin e shkakut të rënies së zjarrit.
