Këngëtarja Anxhela Peristeri rrëmbeu vëmendjen e të gjithëve në parakalimin e saj në tapetin ngjyrë bruz, në të cilin morën pjesë gjithë konkurrentët e “Eurovision” për këtë vit.
“WiwiBlogs”, portali më i madh i “Eurovision”, ka organizuar një sondazh për të përzgjedhur këngëtaren e veshur më bukur dhe Anxhela ka mbledhur shumicën e votave.
Fustani i kuq, i çarë deri në pjesën e sipërme të këmbës i punuar nga Valdrin Sahiti, i ka pëlqyer shumicës së publikut europian dhe ka fituar çmimin e të veshurës më bukur.
“Faleminderit nga thellësia e zemrës për mbështetjen tuaj dhe që më keni votuar si të veshurën më bukur në tapetin bruz në Eurovision. Ja dolëm Valdrin Sahiti”, shkruan Anxhela në një postim.
View this post on Instagram
Festivali europian do të nisë mbrëmjen e sotme, por Anxhela do të këndojë natën e dytë në datë 20 maj.
