Dy partitë kryesore separatiste të Katalonjës kanë arritur një marrëveshje për ndarjen e pushtetit për provincën spanjolle, duke i dhënë fund më shumë se tre muaj grindjesh pas zgjedhjeve rajonale në shkurt, njoftoi sot media.
“Marrëveshja e koalicionit u njoftua nga partia e majtë republikane ERC dhe ajo liberal-konservatore JuntsxCat”, shkruan gazetat spanjolle “La Vanguardia” dhe “El Pais”.
Qeveria rajonale do të drejtohet nga Pere Aragones i ERC.
ERC dhe JuntsxCat kërkuan falje për procesin e gjatë të formimit të qeverisë dhe premtuan të “qeverisin për të gjithë dhe të bëjnë përparim në qëllimin e përbashkët të pavarësisë”, sipas një deklarate.
Katalonja është thellësisht e ndarë në çështjen e kërkimit të pavarësisë nga pjesa tjetër e Spanjës, një lëvizje e kundërshtuar ashpër nga Madridi.
