Policia e Kavajës ka arrestuar autorin e vrasjes së ndodhur ditën e sotme në qytetin e Kavajës.
Burimet e policisë rajonale paraprakisht kanë njoftuar se sot, rreth orës 09:40, në fshatin “Cikallesh”, pas një konflikti me mjete të forta, ndërmjet shtetasve Q. Ç. dhe F. Ç., ka mbetur i vdekur shtetasi F. Ç.
Konflikti ka ndodhur mes dy kushërinjve, djem xhaxhallarësh të cilët janë zënë për një lis që ndante tokën. Gjithashtu nga ngjarja ka mbetur i dëmtuar dhe një shtetas tjetër i paidentifikuar, i cili është dërguar në S.Q.U. Pak orë pas ngjarjes, Policia njoftoi se ka arrestuar autorin e vrasjes. “Shërbimet e Komisariatit të Policisë Nr 3, kanë kapur shtetasin e dyshuar si autorë të vrasjes së F. Çelhakës në Kavajë, Qamil Çelhaka, 30 vjeç, banues në Kavajë. Rreth orës 09:40, pas një konflikti për motive të dobëta, ka goditur me sëpatë, duke i shkaktuar vdekjen shtetasit F. Ç., si dhe plagosjen e Y. I., i cili ndodhet në S.Q.U., nën kujdesin e mjekëve”, thuhet në njoftimin zyrtar të Policisë.
