Barazimi i djeshëm ndaj Tiranës mund të cilësohej si zhgënjyes për Partizanin, pasi Teuta u shkëput me 3 pikë diferencë në krye të kampionatit.
Por të kuqtë nuk mendojnë kështu. Sipas Partizanit e rëndësishme është që në debi mos të pësohet disfatë dhe me këtë ka menduar të krenohet dhe skuadra kryeqytetase.
Në një video të postuar në faqen e klubit në “Facebook”, të kuqtë kanë thumbuar drejt për drejt Tiranën duke u kujtuar se këtë sezon në 4 sfida nuk kanë dalë asnjëherë të humbur, me dy fitore dhe dy barazime.
“4 ndeshje, 0 humbje. Shumë emocione, 1 familje. Beteja vazhdon…” shkruhet në postimin e faqes së Partizanit.
