Autoritetet e Tajvanit kanë konstatuar një shqiptare me koronavirus.
Sipas autoriteteve lokale bëhet me dije se, bëhet fjalë për një 20-vjeçare, identiteti i të cilës nuk bëhet i ditur, e cila nuk është ndjerë mirë dhe ka shkuar për vizitë në një spital ku është zbuluar se kishte koronavirus.
Mësohet se e reja ka fluturuar nga Shqipëria për në Tajvan më datë 18 prill pasi kishte siguruar një kontratë pune atje. Rasti i saj është raportuar më vonë nga autoritetet e Tajvanit duke u listuar si një ndër 5 rastet kur koronavirusi është importuar nga jashtë.
Fatmirësisht, e reja është në gjendje shëndetësore të stabilizuar dhe nën kujdesin e mjekëve.
