Një objekt i lashtë është gjetur këtë të premte në Vlorë.
Bëhet fjalë për një predhë luftarake, që mendohet se i përket Luftës së Dytë Botërore, e cila është gjetur nga një banor i fshatit Peshkëpi.
Ndër të tjera mësohet se ka qenë një banor i zonës, ai i cili ka pikasur predhën në afërsi të tokave bujqësore, e cila është e paplasur, duke e rritur rrezikshmërinë e saj.
Banori që e ka gjetur predhën thotë se ka qenë duke punuar tokën për të mbjellë pemë dhe në thellësinë 1.5 m ka ndeshur në predhën. Megjithatë, pritet që policia dhe xhenierët të shkojnë në vendngjarje.
