Juventus luan finale sot ndaj Sassuolos, me bardhezinjtë që i duhet të fitojnë me patjetër për të pretenduar deri në fund kualifikimin në Champions League për sezonin e ardhshëm.
Teksa sapo ka nisur pjesa e dytë, bardhezinjtë kryesojnë 2-0 me gola të Rabiot dhe Cristiano Ronaldos gjatë 45 minutave të para të sfidës.
Portugezi me këtë gol ka arritur shifrën e 100 golave me “Zonjën”, duke vendosur një rekord historik. Ai është lojtari i parë, që arrin shifrën e 100 golave në tre sezonet e para në Torino.
Një tjetër statistikë mbresëlënëse dhe historike për të është fakti se ka arritur të shënojë të paktën 100 gola në tre (United, Real Madrid, Juventus) nga katër klube ku ka luajtur dhe me kombëtaren e Portugalisë.
