Kryeministri i Italisë, Mateo Renzi, është takuar në Pallatin presidencial me kreun e Shtetit, Serxhio Matarela, të cilit i ka konfirmuar vendosmërinë për t’u dorëhequr, ndonëse diçka e tillë nuk është pranuar nga kreu i shtetit italian
Matarela I ka kërkuar shefit të ekzekutivit që të qëndrojë në qeveri deri në aprovimin e ligjit për buxhetin, për të evituar dërgimin e vendit në krizë.
Biseda mes kryeministrit Mateo Renzi dhe Presidentit Matarela zgjati për afro 30 minuta dhe erdhi pas një takimi jo-formal mes tyre në orët e mëngjesit.
Burime të mediave italiane kanë thënë gjithashtu se Renzi kërkon t’i japë kohë kreut të Shtetit për të krijuar një qeveri teknike, ose për të marrë një vendim për t’i besuar pjesën e mbetur të mandatit një tjetër Kryeministri nga Partia Demokratike.
Megjithatë, për të saktësuar situatën do të duhet të pritet një tjetër komunikatë nga ana e zyrtarëve të qeverisë.
Sipas mediave italiane Renzi mund të qendroj në detyrë deri ditën e premte të kësaj jave.