Fëmijët e çiftit Afrim dhe Ferdinaze Haliti nga Gjilani ka prekur me mesazhet e tyre për vdekjen e parakohshme të prindërve të tyre së bashku me gjyshen Elfete.
Tre anëtarët e familjes ndërruan jetë njëri pas tjetrit në harkun kohor të tre ditëve në sptalin e Tiranës pasi ishin sjellë me urgjencë nga spitali i Durrësit.
Elfete, Afrim e Ferdinaze Haliti prej ditësh ndodheshin në banesën e tyre në Gjirin e Lalëzit dhe sipas hetimeve paraprake dyshohet se ata kanë mbledhur kërpurdha dhe pasi i kanë konsumuar në banesën e tyre në Gjirin e Lalëzit janë helmuar.
“Shpirtat e mi ma thajtet zemren allahu ne lula te xhenetit ju past dergu ne kete nate te madhe te Ramazanit“, shkruan vajza e çiftit.
“Miq e dashamire keto 3 dite perjetuam ditet me te kqia te jetes, betejen e humben qe te tre. Ju njoftojme se neser me date 09.05 behet varrimi me ikendi ne varrezat e qytetit. Te lutemi per shpirtin e tyre ne keto nete te medha”, shkruan i biri.
Ndërkohë kryetari i Komunës së Gjilanit, Lutfi Haziri, i ka dërguar një telegram ngushëllimi familjes Haliti.Haziri ka shkruar se apeli i tij është që të ndriçohet rasti sa më parë nga autoritetet e Republikës së Shqipërisë.
Ndërkohë policia e Durrësit njoftoi se ka nisur procedim penal për dy mjekë të kësaj qëndre duke i akuzuar për “Mjekim të pakujdesshëm”.
“Specialistët për Hetimin e Krimeve në Stacionin e Policisë Manëz, kanë proceduar penalisht për veprën penale “Mjekim i pakujdesshëm”, shtetasit Sh. B., 54 vjeç dhe J. K., 60 vjeç, banues në Durrës, me detyrë mjek në qëndrën shëndetësore Manëz, pasi si pasojë e përkeqësimit të shëndetit kanë ndërruar jetë shtetasit kosovarë E. H., 78 vjeçe, A. H., 56 vjeç dhe F. H., 57 vjeçe ( famijarë), të cilët nga hetimet paraprake dyshohet se këta shtetas kanë mbledhur kërpurdha dhe pasi i kanë konsumuar në banesën e tyre në Gjirin e Lalëzit janë helmuar”, informoi mbrëmjen e djeshme policia e Durrësit.
