Trajneri i Partizani, Ilir Daja u shfaq i zhgënjyer pas barazimit në Korçë ndaj Skënderbeut. Sipas tekniku kryeqytetas, skuadra e tij u ndëshkua nga një faull i panevojshëm. Në prononcimin pas ndeshjes për “Gol pas Goli”, Daja u shpreh:
Shkaktuam një faull të panevojshëm. Mbaron loja dhe del barazim nga një goditje standarte e panevojshme, natyrisht që të vjen keq. Në pjesën e dytë mund të bënim më ndryshe, prishëm gjithë manovrën tonë. Hodhëm gjithë sulmuesit në lojë, kaluam me 3 mbrojtësa. Ky është futbolli, edhe në një ditë kur ke shumë raste dhe luan gjatë 90 minuta në gjysmëfushën e kundërshtarit, edhe mund të goditesh nga një episod.
Të marrësh një gol në atë mënyrë dhe të kesh një kundërshtar që luan mbrapa me të gjithë forcat, është e vështirë të dalësh përpara, edhe pse në pjesën e dytë kishim disa shanse. Në fund fare ishte një 2 pikësh i humbur më shumë për fajet tona se për meritë të kundërshtarit.
Nuk kishte asnjë lloj ruajte për derbi. Nuk merr karton të verdhë, kur luan gjatë gjithë kohës në sulm. Ne ishim hedhur me të gjitha forcat përpara, asnjë lojtarë nuk e kishte mendjen te derbi, ashtu siç derbi ka 3 pikë, ashtu kishte dhe kjo ndeshja. Nuk bëmë mirë që acaroheshim me vonesat e shumta të kundërshtarit. Duhet të ruanim qetësinë si pjesën e parë. Nga minuta e parë në të fundit e poseduam topin.
Partizani humbi balancat pas pësimit të golit- Një trajner nuk mund të citojë emrat e lojtarëve të vetë, problemi i manovrës ishte se individë të caktuar humbën qetësinë. U bënë shumë gabime në mbrojte. Edhe lojtarët janë njerëz dhe e ndjejnë peshën e përgjegjësisë në situatën e golit. Nervozizmi ishte vetëm në ndërtimin e lojës nga poshtë në katërshen e mbrojtjes.-u shpreh Daja.
