Gjykata e Apelit ka rrëzuar kërkesën që Rudolf Nikollaj, të shtrohej në spital psikiatrik.
Kujtojmë që Rudolf Nikollaj plagosi 5 persona me thikë në xhaminë ‘Dine Hoxha’ në Tiranë.
Fillimisht ai goditi me thikë një besimtar me të cilin u përball në derë të xhamisë, më pas u fut brenda duke plagosur edhe katër persona të tjerë, që po faleshin. Të tjerë besimtarë ndërhynë, duke arritur t’i heqin thikën nga dora e ta nxjerrin jashtë.
Më pas, jashtë xhamisë, ai u ndalua nga kalimtarë e besimtarë të tjerë, që “e arrestuan”, derisa aty mbërriti Policia.
Kjo ngjarje e cila ishte në kufijtë e një akti terrorist, tani nuk po rezulton e tillë, pasi sipas të gjitha të dhënave, nisur edhe nga ato që thonë familjarët e tij, 34-vjeçari, vuan nga probleme të shëndetit mendor.
