Një aksident me një 15-vjeçar të plagosur ka ndodhur këtë të Premte në Lezhë.
Policia njoftoi se, në aksin rrugor Lezhë-Milot, në Ishull Lezhë, mjeti tip “Volkswagen” me drejtues shtetasin Ç.M.,56 vjeç, banues në Lezhë ka përplasur këmbësorin P.K.,15 vjeç, banues në Ishull Lezhë.
Ky i fundit është transportuar në spitalin Rajonal Lezhë.
Ndërkohë, drejtuesi i mjetit shtetasi Ç.M. është shoqëruar në Komisariatin e Policisë Lezhë, për veprime të mëtejshme.
Grupi hetimor në vendngjarje punon për sqarimin e plotë të shkakut dhe rrethanave të ngjarjes, shtuan të njëjtat burime.
