Shefja e misionit të OSBE-ODHIR, Ursula Gacek, ka shkuar në selinë e Partisë Socialiste këtë të Martë. Raportohet se ajo do të zhvillojë një takim me kryeministrin Rama.
Zgjedhjet parlamentare mendohet të jenë kryefjala e takimit mes kreut të qeverisë dhe drejtueses së misionit vëzhgues të ODHIR për zgjedhjet.
Në raportin paraprak të OSBE-ODHIR u konstatuan një sërë problematikash të këtyre zgjedhjeve.
Një prej tyre ishte shit-blerja e votës.
Skandali i përdorimit të të dhënave të qytetarëve nga partia në pushtet ishte gjithashtu një tjetër çështje, të cilës ODHIR i dha peshë.
Raporti paraprak për zgjedhjet/ ODHIR dënon skandalin e patronazhistëve: Demokracia në rrezik!
Ditën e djeshme, Gacek zhvilloi një takim në selinë blu me kryetarin e PD, Lulzim Basha.
Takimi zgjati rreth 1 orë e 45 minuta dhe u zhvillua pa praninë e mediave, ku në përfundim të takimit nuk pati deklarata nga asnjë nga palët. Të pranishëm ishin edhe përfaqësues të tjerë të PD-së, si Ivi Kaso apo Oerd Bylykbashi.
