Kandidati për deputet i PD, Mark Marku paralajmëroi përmes një postimi në faqen e tij zyrtare në fb, se opozita nuk do të heshtë përballë fitores së socialistëve.
Ai thotë se ka marrë premtimin se demokratët janë të gatshëm ndaj çdo beteje.
“Një takim falenderues me anëtarë të PD-së në seksionin “Kaçorraj” në Rrëshen.
Mora premtimin se demokratët janë në këmbë, përballë dhe të gatshëm për çdo betejë. Ne nuk do heshtim…”,- shkruan Marku.
Më herët, Mark Marku ka thënë se Partia Demokratike nuk do t’i njohë kurrë këto zgjedhje, për shkak të pretendimeve se janë blerë votat.
