Policia italiane ka arrestuar mbrëmjen e së premtes dy shqiptarë, pasi u kapën në flagrancë teksa shkëmbenin më shumë se gjysmë kilogramë kokainë.
Agjentët pikasën në rrethinat e Venecias një automjet të dyshimtë që drejtohej nga 27-vjeçari shqiptar me iniciale T.A. Policia u vu në ndjekje të tij dhe pasi shqiptari u takua dhe shkëmbeu drogën me bashkombasin e tij, 39-vjeçarin P.K, agjentët ndërhynë duke i arrestuar të dy.
Sipas mediave italiane, shqiptari që dorëzoi drogën është një korrier i një rrjeti shqiptar droge në rajon, ndërsa personi që mori sasinë e kokainës mësohet së është një shpërndarës.
Nëse kokaina e sekuestruar do të përziehej, mësohet se do t’u sillte mbi 150 mijë euro përfitimet trafikantëve.
