Të gjithë sytë do të jetë në “Camp Nou”, ku do të luhet “El Classico” i parë i këtij sezoni, e cila vlen më shumë se tri pikë.
Nëse madrilenët fitojnë, atëherë hegjemonia e tyre do të mbretërojë në kampionatin spanjoll. E kundërta, suksesi i katalanasve, do ta hapte plotësisht garën në La Liga. Për t’u kurorëzuar si më të mirët, në Spanjë dhe në kontinent, Luis Enrique dhe Zinedine Zidane kanë zgjedhur formacionin më të mire pasi de pasi dëshirojnë vetë fitore.
Pa dyshim, lajmi më i mirë për Barcelonën është kthimi i Andres Iniesta. Njeriu që galvanizoi fitoren e fundit kundër Real Madridit, në “Bernabeu”, 21 nëntorin e kaluar, kthehet në vendin e ngjarjes, pasi i ka munguar ekipit të vet për më shumë se një muaj. Koreografia e tifozëve Blaugrana, sot do të jetë spektakolare ashtu si ndodh vetëm në “Camp Nou”.
Kjo është edhe një sfidë mes dy trajnerëve Zidane dhe Luis Enrique.
“Kjo do të jetë një tjetër ndeshje. Sezonin e kaluar e nisëm jo sic duhet por ajo situatë na bëri mirë. Ne kur jemi në atë gjendje luajmë mirë, dhe këtë herë do të zbresim në fushë me mentalitetin e duhur”, deklaroi Zidane.
Trajneri i Barcelonës shfaqi lumturinë e tij për rikuperimin e Iniestas që nuk luan që nga 22 tetori dhe konsiderohet thelbësor nga tifozët katalanas për ti dhënë shkëlqimin e humbur lojës së Barcelonës.
”Nuk ka dyshim se për sa i përket klasifikimit vijmë në këtë Klasike me nevojën për ta fituar. Por edhe nëse humbasim lufta nuk mbyllet, jemi në javën e 14 të kampionatit. Sa për ndeshjen ata nuk e kanë problem t’ja lënë topin kundërshtarit, ne e duam dhe kemi nevojë për të kështu që në këtë aspekt jemi dakord. Sigurisht që nuk jemi dakord për sa i përket rezultatit. Unë jam optimist , askush nuk është më i mirë se ne”, tekniku katalanas.
