Komisioni Qëndror i Zgjedhjeve ka votuar sot reformën e propozuar në lidhje me shpërndarjen e numrit të deputetëve në Shqipëri.
Pas dy mbledhjesh të shtyra ditën e sotme, me 7 vota pro, KQZ-ja ka vendosur të shtojë 3 mandate në Tiranë e Durrës.
Kështu, Kukësit, Korçës dhe Beratit i hiqet nga 1 deputet dhe këto 3 mandate do të ndahen në kryeqytet dhe në Durrës.
Tiranës mësohet se i shtohen 2 mandate deputeti dhe Durrësit i shtohet 1. Këto ndryshime thuhet se janë bërë për shkak të lëvizjes demografike të qytetarëve.
Tirana tani do të bëhet me 34 mandate ndërsa Durrësi me 14 mandate.
