Policia e Dibrës ka arrestuar 26-vjeçarin, Florian Tonuzi, autorin e ngjarjes së ndodhur ditën e djeshme në Maqellarë në Dibër. Tonuzi goditi për vdekje me thikë vëllain e tij, i cili ndërroi jetë në spital si pasojë e gjakderdhjes.
Pas vrasjes, autori ishte larguar dhe ishte shpallur në kërkim nga policia. 24 orë pas ngjarjes, uniformat blu kanë mundur ta vënë atë në pranga.
Autori 26-vjeçar kishte pak kohë që kishte dalë nga burgu ku qëndronte, pasi një vit më parë kishte dhunuar babanë e tij. Dyshohet se Tonuzi vuan nga probleme të shëndetit mendor.
