Policia shqiptare ka mbajtur qendrim me dy stadarde sa i përket gjobave oër grumbullimet masive.
Ka lënë në fuqi gjobën prej 5 milionë lekësh për kandidatin e pavarur Elton Debreshi pasi grumbulloi disa persona më shumë se numri i lejuar, ndërkoh që nuk ka marrë asnjë masë për grumbullimin masiv të rilindjes në festën e fuitores.
Me anë të një statusi në Facebook, Debreshi shkruan se sot shteti vepron me dy standarde, duke gjobitur të dobëtin dhe mbyllur sytë para të fortit.
Postimi i Debreshit:
ZERI I MINATOREVE NUK HESHTOHET ME GJOBA
Diten e sotme u thirra ne Drejtorine e Policise Diber ku m’u rikonfirmua se gjoba prej 5 milione lekesh (te reja) do ngelet ne fuqi.
Ne nje shtet ku ligjin e ben me i forti, urdhri nga lart vlen me shume sesa ndergjegjja institucionale.
Partite e medha, me parate e oligarkeve, bene takime elektorale te medha. Ne minatoret, me forcat tona, beme aq sa mundem te benim dhe per kete jemi krenare.
Edi Rama e festoi mandatin e trete me dhjetera mijera militante ne shesh, por askush nuk u kujtua t’i kerkoje llogari per pandemine.
Perpjekja jone e perbashket sapo ka nisur. Do te vije dita kur pushteti i oligarkeve te perdore masa edhe me shtypese sesa gjobat disa-milioneshe. E atehere, te bashkuar, ne do te jemi gati per t’u perballur me te.
