Analisti Fatos Lubonja ka komentuar deklaratat e ambsadores amerikane në Tiranë, Yuri Kim. Në një studio televizive, Lubonja tha se nëse ambasadorja do shqetësohej për vendin tonë, duhet të reagonte për skandalin e patronazhistëve.
“I them ambasadores Kim, bota s’po mendon fare për ne. Te mediat ndërkombëtare dhe lajm të parë kam parë që kanë pasur 910 mijë shqiptarët e survejuar nga patronazhistët. Ambasadorja do bënte mirë ta shihte këtë dhe me seriozitet. Ti dilte në mbrojtje Lapsi.al dhe dy gazetarëve, Andi Bushati e Armand Shkullaku që i thirri prokuroria. Ti bënte thirrje prokurorisë të hetonte për këtë skandal, se po të ndodhte në SHBA… Kujtojmë se një ndërhyrje e prezumuar nga Rusia në zgjedhje nëpërmjet rrjeteteve sociale, internetit, është bërë problem i madh hetimi nga FBI në SHBA. Nëse këtu janë këto standarde duhet të kishte ndërhyrje se ka shkelje të rëndë të ligjin sipas specialistëve”, u shpreh Lubonja.
“Kemi një autoritet për mbrojtjen e të dhënave që duhet të kishte reaguar. Nëse ambasadorja është e prokuruar duhet të kishte reaguar”, shtoi ai.
