Sozia e boksierit të famshëm irlandez Conor McGregor është dënuar me tre vjet burgim në Britani pasi hiqej si personazhi i njohur i sportit për të shitur drogat e tij. 34-vjeçari Mark Nye, u ndalua nga oficerët e Surrey pasi u kap duke u përpjekur të flakte një pako me narkotikë ilegalë dhe dy celularë.
Irish Post raportonte se burri i tha policëve se ishte “Conor” dhe në makinën e tij u gjetën qindra kartvizita të kompanisë së tij të quajtur “McGregor Enterprise” .
Policia tha se Nye përdorte kartvizitat e tij duke premtuar “dërgesat më të mira në Surrey”, si pjesë e biznesit të tij të shpërndarjes së drogave në rrethinat e londrës. Në celularin e Nye u zbuluan dhjetra mesazhe të aktivitetit të shpërndarjes së drogave.
Kujtojm gjithashtu se edhe boksieri i famshëm, ka pasur problemet e tij me ligjin, kur për pak i shpëtoi burgut pasi hyri në një bankë në Londër dhe plagosi dy njerëz dy vjet me pare. Ndërsa një vit më vonë, kampioni i kategorisë UFC u gjobit pasi goditi me grusht një burrë të moshuar në bar në Dublin, incident që ishte regjistruar dhe në kamera.
