Bayern Munich ka deklaruar interesin e tij për të emëruar Julian Nagelsmann si trajnerin e ri, por RB Leipzig po kërkon një dëhmshpërblim të majmë, rekord botëror prej 30 milionë € për ta lënë atë të shkojë në “Allianz Arena”. Këtë fakt e konfirmojnë “Goal” dhe “Spox”.
Hansi Flick është gati të largohet në verë, pasi e kishte bërë me dije vendimin e tij në një intervistë. Sidoqoftë, asgjë nuk është zyrtarizuar. Me një boshllëk për të mbushur, Bayerni do të synojë trajnerin e ri të Leipzig. Tarifa prej 30 milionë € do të ishte më e madhja në historinë e futbollit për një trajner.
Po cilat janë kredencialet e Nagelsmann? Megjithëse vetëm 33 vjeç, ai ka qenë një trajner në Bundesliga prej pesë vitesh. Fillimisht kishte marrë drejtimin e Hoffenheim. Në moshë vetëm 28-vjeçare ishte trajneri më i ri në historinë e Bundesligës dhe e drejtoi klubin nga një pozicion në zonën e rënies drejt vendit eventual të Ligës së Kampionëve.
