Qëkur erdhi në krye të qeverisë së majtë, kryeministri Edi Rama nuk ka reshtur së foluri me përçmim për mediat, duke mos kursyer epitete ndaj tyre, herë pas here.
Së fundi, ka marrë dhenë epiteti kazanë plehrash dhe ai po komentohet gjerësisht në qarqet politike dhe mediatike të vendit.
Por, a janë mediat në Shqipëri “media kazani”?
Z.Meta është qartësisht kundër të ankuarit prej medieve. Madje ai thotë se të ankohesh për to, kur je politikan aktiv, është njësoj si të jesh një marinar që ankohet se e zë deti.
“Mendoj se situata është shqetësuese. jë politikan që ankohet nga mediat është njësoj si një marinar të ankohet nga deti. Por unë nuk kam ndërmend që të ankohem ndonjëherë”- ishte kjo përgjigja e drejtpërdrejtë dhe qartë e Kryetarit të Kuvendit i ftuar në emisionin Të Paekspozuarit të Ylli Rakipit në Neës24.
Ilir Meta: Më radhë të parë e kanë institucionet e zbatimit të ligjit. Në radhë të parë ka dhe politika. Nuk është një fenomen i ri. Ne e dimë që Lazarati për arsye politike është toleruar për një kohë të gjatë. Përmasat, sidomos në zonat e thella, edhe disa reagime shqetësuese ndërkombëtare del qartë që ky është një problem me të cilin duhet të ndeshemi jo duke akuzuar njëri-tjetrin, por duke i dhënë një zgjidhje përfundimtare këtij problemi. Çdo politizim nuk e lufton këtë fenomen. Kemi dhe një institucion që e ndjek këtë dhe ka një lidhje me partnerët ndërkombëtar, që është misioni italian, të dhënat e të cilit janë shqetësuese, por janë edhe vlerësuese.
Çim Peka: Kryeministri ndonjëherë thotë se këtë panik e hapin mediat kazane. BBC thotë sot se Shqipëria është kultivuesi më i madh i drogës.
Ilir Meta: Mendoj se situata është shqetësuese. Një politikan që ankohet nga mediat është njësoj si një marinar të ankohet nga deti. Por unë nuk kam ndërmend që të ankohem ndonjëherë.
