Nga qyteti i Durrësit, ku ishte këtë pasdite për vëzhgimin e procesit zgjedhor, ambasadorja e SHBA, Yuri Kim, tha se pjesëmarrja e lartë në zgjedhje tregon se qytetarëve shqiptarë iu intereson vendi i tyre.
Mes të tjerash, ambasadorja Kim u ka bërë thirrje autoriteve ligjzbatuese të hetojnë incidentet zgjedhore.
“Qytetarët kanë treguar përgjegjësi, administrata zgjedhore po ashtu. Koha që liderët dhe partitë të tregojnë përgjegjësi. Të pranojnë rezultatin e zgjedhjeve. Ftese qytetareve të votojnë. Ka pasur shkallë të lartë pjesëmarrje qytetarësh. Janë raportuar disa incidente dhe është përgjegjësi e autoriteteve t’i ndjekin. Ne e kemi të qartë dhe kemi bërë thirrje prokurorëve t’i hetojnë këto çështje deri në fund. Qytetarët janë duke përmbushur detyrën e tyre, prokurorët po bëjnë punën e tyre dhe liderët e partive dhe kandidatët duhet të presin daljen e rezultatit dhe gjykimin që ka bërë populli”, tha Kim.
