Presidenti Ilir Meta iu drejtua me 5 pyetje prokurorit të Elbasanit, Kreshnik Ajazi, lidhur me ngjarjen e datës 21 prill, ku mbeti i vrarë Pjerin Xhuvani dhe u plagosën disa të tjerë.
Meta tha se Prokurori i Elbasanit ka thirrur për të dhënë dëshminë e tij Gazment Bardhin në datën 30 prill, ndërsa ngriti pyetjen sepse kjo çështje po zvarritet dhe pse është lënë pas zgjedhjeve hetimi i saj?
Gjithashtu Presidenti theksoi se ngjarja duhet të zbardhet me orë, madje edhe me minuta.
“Po e pyes Prokurorin e Elbasanit, Kreshnik Ajazi, a kandidon për deputet nën siglën e PS-së, vëllai i juaj dhe a ndjeheni në konflikt interesi?”, u shpreh Meta.
Në vijim ai kërkoi nga Prokuroria e Përgjithshme, SPAK, KLP që të mbajnë shënime lidhur me situatën e krijuar në Elbasan, ndërsa akuzoi sërisht Prokurorinë se zvarriti kallzimin penal të Gazment Bardhit lidhur me njerëzit që sipas tij ishin përfshirë në krimin zgjedhor.
Meta pyeti prokurorin Ajazi nëse vendimet e tij janë të ndikuara ose jo nga vëllai i tij, kandidat për deputet.
“Pse u vonua administrimi i provave të Gazment Bardhit dhe a keni menduar transferim apo dorëheqje nga posti”, ishin pyetjet e tjera që Meta i drejtoi prokurorit Ajazi.
Deklarata
Të dashur qytetarë të Elbsanit jamë këtu për të drejtuar 5 pyetje për Prokurorinë e Elbsan dhe drejtuesin Kreshnik Ajazi
1. Z. prokuror pse është vonuar administrimi i materialit kallëzues të PD? Pse z. Bardhi si kallëzues është thirrur për t’u paraqitur vetëm në datën 30 prill.
2. Si mund të ndihmojnë këto veprime hetimore kaq të ngadalta me vetëdije parandalimin e krimit zgjedhor në Elbasan.
3. Pse duhet që z. Bardhi të paraqitet më 30 prill, pra 5 ditë pas zgjedhjeve, dhe jo urgjentisht?
4. Pse duhet z. Ajazi kjo vonesë kaq e madhe? A kandidon për deputet në këto zgjedhje si kandaidat i PS në Elbasan vëllai juaj? A ndiheni ju në përmbushjen e detyrës suaj në konflikt të pastër interesi? A keni vlerësuar ndonjëherë të dorëhiqeni apo të transferoheni nga aty?
5. Zotërinj prokurorë të Elbasanit, a ju vret ndopak ndërgjegjja, që ndodhi përplasja me armë dhe përgjakja në qytetin e Elbasanit, më 21 prill?
Këto pyetje të mbahen shënim nga prokuroria e përgjithshme, SPAK, ambasadat që mezi presin të raportojnë suskesin e celjeve të negociatave në BE, i gjithë trupi diplomati i angzhuar.
E vërteta duhet zbuluar tani dhe jo më 30 Prill kur keni lënë takimin me kallëzuesin.
