Presidenti Ilir Meta bëri një deklaratë të fortë sot kur tha se Presidenti serb, Aleksandar Vuçiç, ka ndërhyrë në punët e brendshme të Shqipërisë lidhur me zgjedhjet.
Meta tha se nuk impresionohet nga të gjithë anglishtfolësit që mendojnë serbisht.
“Baton Haxhiu është njeriu më i besuar i Presidentit serb, ai bën sondazhe, ndaj dhe foli se diferenca mes Bashës dhe Ramës është 1-2 %. Policia e Ramës po synon të tjetërsojë vullnetin e qytetarëve përmes ngjarjeve si ajo e Elbasanit”, tha Meta.
Ai paralajmëroi se do të ketë ligj të veçantë që ata që bëjnë krime zgjedhore nuk do të jenë më pjesë e administratës shtetërore. Presidenti tha se mjerë kush punon për krimet zgjedhore. Ai tha se nuk do të preket asnjë nga ligjet për reformën në drejtësi.
