Pasi ka dalë nga seanca parlamentare ish-kryeministri Berisha ka deklaruar se ka qenë PD ajo që ka kërkuar Vettingun dhe jo socialistët. Sipas Berishës, socialistët kanë qenë kundër ligjti të Vettingut, dhe theksoi se ndërkombëtarët i kanë thënë Ramës, Metës, Bashës dhe atij vetë se ekziston marrëveshja mes palëve që ligjet të votohen me konsensus.
“Ne kemi kërkuar vettingun jo socialistët, socialistët kanë qenë kundër. Sot ishte i qartë që tha se nuk ka kërkuar hapjen e negociatave. Unë e thashë dhe këtu në parlament dhe ju duhet ta dini që ekziston marrëveshja e sigurtë midis palëve dhe këtë ambasadorët ja kanë thanë Ramës në syrë, Metës në zyrë, Bashës në zyrë dhe mua. Marrëveshja që këto ligje duhet të votohen me konsensus”, theksoi Berisha.
