Ardian Dvorani do të jetë kryesuesi i trupit gjykues në Gjykatën e Apelit Administrativ për kërkesën e LSI-së për anullimin e vendimit të Komitetit Teknik për vetëkarantinim 14 ditore për personat që vijnë nga Greqia dhe Maqedonia e Veriut.
Sipas LSI, “me vendimmarrjen e tij për vendosjen në karantinë dy javore të shtetasve shqiptarë që vijnë nga Greqia apo Maqedonia, në thelb është mohuar e drejta kushtetuese e zgjedhësve shqiptarë me banim në Greqi dhe Maqedoni për të ushtruar të drejtën e tyre të zgjedhin lirisht për zgjedhjet për Kuvendin e Shqipërisë të datës 25 Prill 2021”.
LSI ankimoi vendimin e Gjykatës Administrative të Tiranës, e cila rrëzoi kërkesën e Lëvizjes Socialiste për Integrim.
LSI e quajti vendimin e Gjykatës arbitrar, në shkelje të hapur të ligjit dhe Kushtetutës.
