Kishte rezultuar pozitiv për Covid-19, ndërron jetë në moshën njëzet vjeç. Ngjarja ndodhi në Kalabri, në provincën e Kozencës.
Sipas mediave fqinje, djali vdiq mbrëmë ndërsa po transportohej me ambulancë në dhomën e urgjencës, për në spitalin Annunziata në Cosenza.
Sipas asaj që është mësuar, i riu, ndodhej prej disa ditësh në izolim në shtëpi sepse kishte rezultuar pozitiv për Covid. Por dyshohet se gjendja e tij u rëndua, ndërsa ishte në shtëpi. Familjarët njoftuan 118 dhe një ambulancë shkoi menjëherë në vend.
Kushtet e njëzet vjeçarit, megjithë përpjekjet e bëra nga mjekët e ndihmës së shpejtë, u përkeqësuan dhe djali vdiq pak minuta para se të mbërrinte në spital.
Faqet lokale të lajmeve italiane raportojnë se djali tashmë ishte testuar pozitivisht për disa ditë dhe se ai ishte në terapi me antibiotikë, në karantinë me nënën e tij. Babai i tij është shtruar në spital në njësinë e kujdesit intensiv për dhjetë ditë, gjithashtu pozitiv me Covid. Dy gjyshërit janë gjithashtu pozitivë për koronavirusin.
