Në një fund të takimit me kreun e Komisionit Shtetëror të Zgjedhjeve, Ilirjan Celibashi, ambasadorja e SHBA, Yuri Kim, iu bëri thirrje udhëheqësve të politikës shqiptare, që të sigurojnë një proces të qetë zgjedhor më 25 prill.
Në fjalën e saj, ambasadorja Kim u ndal dhe te ngjarja që tronditi një ditë më parë Elbasanin dhe mbarë vendin, duke thënë se të gjithë janë të shqetësuar nga ajo që ndodhi.
“Ne jemi duke monitoruar të gjitha veprimet e marra nga drejtuesit e vendit. Falënderoj z. Rama dhe z. Basha, që kanë bërë thirrje për qetësi dhe që të mos pranohet dhuna, si dhe që të mund të votohet më 25 prill. Me lejoni të theksoj atë gjë që e kam thënë që kur kam ardhur në Shqipëri, dëshiroi t’iu drejtohem votuesve shqiptarë: Ju nuk jeni vetëm, ne jemi me ju”, shtoi ambasadorja Kim.
