Krishtlindjet janë në prag, ndaj është e nevojshme që të ndiqet një dietë detoks para festave, në mënyrë që mos të vini në rrezik linjat tuaja trupore dhe shëndetin në tërësi.
Ky program detoks ndihmon trupin që të pastrojë veten pa kufizime shumë të ngurta, por thjesht duke u fokusuar në ushqimet që nxisin një lloj të pastrimit të brendshëm, kryesisht fruta dhe perime. E gjitha kjo, natyrisht, duke mos harruar hidratimin, një faktor kyç në eliminimin e toksinave.
Këtu, pra, është një shembull i një dietë detoks për t’u aplikuar para festave.
Mëngjesi. Ideale për të pastruar trupin është ta filloni ditën duke pirë të paktën një gotë me ujë në temperaturën e dhomës, edhe më mirë nëse asaj i shtoni disa pika limoni. Pastaj mund të hani kos të hollë të bardhë, i shoqëruar me një lugë drithëra. Ju mund t’i shtoni pak fruta të freskëta.
Dreka. Një pjatë me perime është ajo që nuk duhet të mungojë për një drekë detoks. Makaronat është mirë të jenë të bëra nga miell i pasitur, me salcë të lehtë domatesh ose vaj ulliri ekstra të virgjër. Ndjekur nga një pjatë me sallatë të përzier apo kungull të njomë të zier dhe më në fund disa feta pineapple.
Darka. Sa për vaktin e mbrëmjes këshillohet të konsumohet peshku, i pjekur dhe i spërkatur me disa pika lëng limoni ose mund të hani mish të bardhë si gjoks pule, gjeldeti apo lepur. Edhe në këtë rast është mirë të shoqërohet me pjatë të dytë me perime të ziera.
Snacks. Për të menaxhuar brejtjet e urisë në mes të vakteve, mund të konsumoni ushqime të lehta si dy feta pineapple, një lëng portokalli por edhe një kos me yndyrë të ulët ose një grusht arra.
Pijet. Gjatë ditës duhet të pini të paktën dy litra ujë ose çaj, këshillohet të konsumohet çaji jeshil.
Burimi: DireDonna
