Partizani prej vitesh tanimë ka ndërmmarë ndërtimin e stadiumit të ri në periferi të Tiranës. Klubi i kuq është ndeshur me disa probleme në lidhje me truallin, ndërsa edhe pandemia ka ndikuar që financat të mos jenë në favor të përfundimit të shpejtë të punimeve.
Prej muajsh puna është ndalur në Kompleks, teksa tribunat kryesore kanë përfunduar në 90 përqind të tyre. Pritet që puna të rinisë me ndërtimin e godinës së hotelit dhe sallës së forcës për lojtarët, ndërsa fusha është ajo që ka më shumë rëndësi.
Tapeti i blertë nuk shihet gjëkundi, me fansat e kuq që duhet të presin për ëndrrën e madhe. Presidenti Gaz Demi ka bërë me dije se ky është një investim privat, me FSHF që nuk e ka ndihmuar klubin e kuq në këtë inisiativë. /Newsport.al
