Forcat e Armatosura kanë marrë nën ruajtje perimetrin e godinës së SPAK dhe të GJKKO për shkak të datës së zgjedhjeve të 25 Prillit.
Kjo është një procedurë standarde kur policët e ruajtjes së objekteve ngarkohen me detyra të tjera për garantimin e mbarëvajtjes së sigurisë së procesit zgjedhor.
Ushtarët kanë bërë inspektimin e planimetrisë dhe do të merret në ruajtje nga dita e shtunë, një ditë para zgjedhjeve. Garantimi i ruajtjes së perimetrit të SPAK dhe GJKKO nga Forcat e Armatosura do të jetë e përkohshme.
Këto institucione konsiderohen të rëndësisë së veçantë dhe për këta arsye janë marrë në mbrojtje nga ushtria.
