Moderatorja Eni Vasili do të bëhet nënë e dy vajzave pas pak muajsh. Gjatë kësaj kohe të pritjes së ëmbël ka menduar edhe për një ceremoni të vogël martese me fustan të bardhë, të cilën, siç tregoi mbrëmjen e djeshme në “Piter Pan”, Eni ia ka premtuar edhe bashkëshortit.
Pyetjes së vogëlushëve nëse do ta veshë një ditë fustanin e bardhë, Eni iu përgjigj se e ka në plan: “Në fakt, është diçka që ia kam premtuar bashkëshortit. Kemi menduar të jetë një ceremoni e vogël, në plazh, së bashku me dy vajzat tona. E kemi në plan”, – tha ajo.
