Kryetari i Partisë Demokratike, Lulzim Basha, i ftuar në emisionin “Të Paekspozuarit” nga Ylli Rakipi në MCN Tv, ka komentuar ngjarjen e rëndë që ndodhi në qytetin e Kavajës, ky një sekretar i PD-së, u plagos në zyrën elektorale të kësaj partie.
Basha e ka quajtur ngjarjen një “atentat” nga njerëz të Edi Ramës.
“Është një atentat kundër demokracisë. Tregon që Edi Rama e ka humbur toruan dhe kontrollin. Si shumica dërrmuese e shqiptarëve, e ka kuptuar që në zgjedhjet e 25 prillit, ai do të humbë dhe Shqipëria do të fitojë. Rasti ishte një sulm me armë brenda shtabit elektoral të zonës në një nga lagjet e Kavajës, nga tre militant të PS-së, tashmë të identifikuar.
Heshtja e pandërprerë e njeriut që është shkaku i gjendjes ku ka mbërritur Shqipëria. Një akt i ndërmarrë në kufijtë e panikut, për të na mbyllur gojën. Dua ta përsërit prerë, ti them që koha e frikës ka mbaruar. Në 25 prill mbaron koha e tetë viteve dështim. Përgjgijen do ta marrë jo vetëm nga Kavaja, por nga e gjithë Shqipëria.
E konsiderojmë këtë një akt të një grupi të kryesuar nga Edi Rama. Dua t’i ndaj veç socialistët e ndershëm, jo vetëm ata që janë vërshuar të bëhen pjesë e ndryshimit, por edhe ata që kërkojnë që Shqipëria të ndahet nga kjo rrugë”, tha Basha.
Biseda
Ylli Rakipi: Rama ka reaguar, ka thënë është ngjarje e rëndë, të vihen fajtorët para drejtësisë, por ngjarja të mos politizohet.
Lulzim Basha: Është atentat politik. Media e di fare mirë që këta janë njerëzit e Edi Ramës.
Ylli Rakipi: Dini diçka më shumë ju për këtë përplasje?
Lulzim Basha: Nuk ka patur përplasje, por atentat ndaj aktivistit tonë. …Nuk është Lulzim Basha o sot o kurrë, por Shqipëria o sot, o kurrë!
