Presidenti Ilir Meta ka sulmuar Kryeministrin Edi Rama, duke i kujtuar se nga dosjet e Dibrës dhe të Shijakut buron ilegjitimiteti i kësaj qeverie, ku përgjegjësit dhe autorët e këtyre dosjeve sot janë sërish kandidatë për deputetë, si Damiani i “tërmetit” të votave.
Sipas Metës, shteti ka degraduar vitet e fundit, pasi simbole të korrupsionit dhe mafies së inceneratorëve janë sot kandidatë për deputetë ndërkohë që duhej të ishin në burg.
Gjithashtu Meta ka paralajmëruar patronazhistët e rilindjes se janë në rrezik, pasi njerëzit e dinë tashmë se kush janë.
“Tek dosjet e Dibrës dhe të Shijakut buron ilegjitimiteti i kësaj qeverie. Përgjegjësit dhe autorët e këtyre dosjeve sot janë sërish kandidatë për deputetë, si Damiani i “tërmetit” të votavë.
Meqë jemi në Elbasan, se edhe këtu ka inceneratorë, nuk mund të them se simbole të korrupsionit dhe mafies së inceneratorëve janë sot kandidatë për deputetë ndërkohë që duhej të ishin në burg.
Kandidatë të bandës së inceneratorëve është kandidati i 7 i Rilindjes në Durrës.
Shteti ka degraduar në këto vite. Në vend nuk ka pasur Gjykatë Kushtetuese dhe Gjykatë të Lartë.
Parlamentin ka qenë njëpartiak dhe opozita ka qenë jashtë tij. Në 25 prill, është koha për përmbysje demokratike me votë.
Çfarë mund të bëj Presidenti kur sheh që ka akte dhune?!
Çfarë duhet të prese Presidenti? Që e gjithë Shqipëria të jetë si Shijaku dhe Dibra? Kjo kurre nuk ka per te ndodhur.
Sot Mbrojtja e Atdheut është detyre mbi detyrat.
Mbrojtja e Atdheut eshte që të gjithë qytetarët të shkojnë të votojë në 25 prill.
Vota e tyre do sigurojë të ardhmen, mbrojtjen e familjes dhe të ardhmen e fëmijëve të tyre.
Vota e 25 prillit, do të vendose ligjin dhe do mbrojë të drejtat dhe liritë e tyre”, tha Meta.
