Erëin Tumiri është një prej gjashtë të mbijetuarve nga rrëzimi i avionit para disa ditësh në Kolumbi ku humbën jetën 77 persona, shumica e të cilëve ishin pjesë e skuadrës së Chapecoense. Ai ka dhënë dëshminë e parë se s ii shpëtoi aksidentit tragjik.
“Mbijetova sepse ndoqa protokollin e sigurisë. E futa kokën në mes të këmbëve dhe u vendosa në pozicionin fetal”.
Sipas informacioneve nga mediat kolumbiane Tumiri gjendej në pjesën e pasme të avionit së bashku me një të mbijetuar tjetër, hostes Ximena Suarez që kujton vetëm që “dritat u fikën, më pas kaos dhe në fund nuk mban mend asgjë”. Bashkë me ta shpëtuan edhe futbollistët Ruschel, Follman (portieri që ka humbur një këmbë), Helio Neto dhe gazetari Rafael Valmorbida Henzel, të gjithë ndodhen në spitalin e Medelin.
Në pritje të sqarojnë shkaqet e rrëzimit të avionit ku vdiqën 71 persona përmenden dy arsye kryesore: defekt elektrik ose përfundim i karburantit. Boliviani Tumiri i ka thënë “Radio Caracol” se “shumë u ngritën nga vendet e tyre nisën të bërtasin. Unë ndoqa vetëm protokollin e emergjencave për incidentet”.
