Emigrantët shqiptarë të cilët jetojnë në Greqi nuk do kenë mundësi të votojnë në zgjedhjet e 25 Prillit, për shkak të një vendimi të Komitetit Teknik të Ekspertëve.
Këtë të Hënë, Komiteti Teknik i Ekspertëve – i cilësuar si një zgjatim i partisë në pushtet – njoftoi se të gjithë ata që vijnë nga Greqia në Shqipëri, do të kryejnë një karantinë 2–javore. Masa vjen 6 ditë nga zgjedhjet parlamentare dhe automatikisht penalizon emigrantët shqiptarë që jetojnë Greqi të votojnë, për shkak të detyrimit të karantinës. Sipas raportimeve mediatike, mbi 500 000 shqiptarë jetojnë në shtetin fqinjë.
Vendimi i marrë disa ditë para zgjedhjeve ngre dyshime për një skenar të mirëmenduar nga pushteti për ti ndaluar votën emigrantëve shqiptarë që jetojnë e punojnë në shtetin Helen.
Hipoteza bëhet më e besueshme kur kujtojmë kalvarin e vuajtjeve të shumë emigrantëve në mesin e Gushtit të vitit të kaluar. Për disa ditësh, qindra emigrantë, mes tyre fëmijë, gra e të moshuar, mbetën të bllokuar për shkak të një vendimi të palës greke për kalim me kuota të udhëtarëve nga dogana e Kakavijës.
Në media u shfaqën pamje dramatike, me qytetarë të rraskapitur nga pritja dhe dielli i nxehtë, në mungesë të ushqimit dhe ujit të pijshëm. Persona që humbnin ndjenjat e të tjerë që mallkonin fatin që kishin lindur në Shqipëri, si dhe qeverinë që nuk arrinte ti jepte zgjidhje situatës. Bilanci u rëndua me një aksident tragjik, ku një autoambulancë përplasi për vdekje një fëmijë, që bashkë me familjen ishte nisur drejt shtetin Helen.
Problematika të ngjashme pati edhe në Kapshticë.
Kujtimi i vuajtjeve me gjasë mbeten ende i freskët në kujtimin e emigrantëve, të cilët ndoshta kërkojnë një hakmarrje qytetare me votë ndaj qeverisë që edhe një herë dështoi ti dilte për zot qytetarëve të vendit të saj.
Ndoshta, nga frika e kësaj hakmarrje, Edi Rama vendosi ti heqë atyre të drejtën e votës.
/BoldNews.al/
