Të shtëna me armë zjarri janë shënuar orët e para të mëngjesit në Velipojë.
Burime zyrtare nga policia bëjnë me dije se është qëlluar me armë zjarri ndaj dy makinave në pronësi të 36-vjeçari David Ndoci, që kanë qenë të parkuara, pranë banesës së tij.
Nga të shtënat, nuk raportohet për persona të lënduar.
“Rreth orës 02:00 të mëngjesit të ditës së sotme, në fshatin Gomsiqe e Re, është qëlluar me armë zjarri në drejtim të mjeteve tip ‘Ford Fiesta’ dhe ‘Benz’ në pronësi të 36-vjeçarit, të cilat kanë qenë të parkuara në rrugë, pranë banesës së tij”, njoftoi policia.
Grupi hetimor, nën drejtimin e Prokurorisë së Rrethit Gjyqësor Shkodër, po punon për të sqaruar rrethanat e ngjarjes, identifikimin dhe kapjen e autorit/ve, shtuan të njëjtat burime.
