Prej javësh tashmë, rruga që del nga “Yzberishti” është e bllokuar edhe pse aty nuk po bëhet asnjë punim.
Banorët që duan të dalin nga “Yzberishti” për të shkuar në zonat e tera të kryeqytetit, kanë dy mundësi – të kalojnë në aksin që të nxjerr në Kombinat e më pas në Unazë dhe mundësia tjetër një rrugicë e amortizuar.
Si shkak i bllokimit nga autoritetet të njërit aks te bulverdi i ri, trafiku në rrugën që lidh Yzberishtin me Kombinatin është rënduar ndjeshëm.
E njëjta situatë edhe në daljen tjetër, ku për shkak të rrugës të amortizuar, trafiku rëndohet edhe më shumë.
Ndërkaq, nga autoritetet ende nuk ka një afat për hapjen e aksit që lidh bulevardin e ri me rotondon, madje as edhe për arsyen e bllokimin e tij.
