Një 39-vjeçar është arrestuar në Tiranë, pas një sherri, njoftoi këtë të Hënë policia.
Ngjarja nddodhi pasditen e djeshme në “bulevardin e ri”, në Yzberisht.
Burime zyrtare bënë me dije se T. M dhe G. M. fillimisht kishin debatuar për motive të dobëta në rrugën “Besim Alla” dhe pas disa minutash, tek bulevardi “Migjeni” ishin konfliktuar përsëri me grushte me njëri-tjetrin.
Pas konfliktit, shtetasi T. M. ka marrë mjetin e tij dhe ka tentuar dy herë të godiste me mjet shtetasin G. M. dhe bashkëshorten e tij, por pasi nuk ia ka arritur qëllimit, ka dëmtuar më pas mjetin e shtetasit G. M.
T.M., 39 vjeç, u arrestua për veprat penale “Vrasja” e mbetur në tentativë”, “Shkatërrim i pronës me dashje” dhe “Plagosja e lehtë me dashje’’.
Po ashtu, u procedua në gjendje të lirë shtetasi G. M., 36 vjeç, për veprën penale “Plagosja e lehtë me dashje”.
