Në të gjithë botën, stresi i lidhur me punën ka qenë i lidhur me rrezikun e atakut në zemër.
”Nuk ka vende ose kompani që i shpëtojnë këtij rreziku, i cili është rritur ndjeshëm vitet e fundit për shkak të kushteve të reja të punës dhe vorbullës aktuale të botës së punës”, shkruan faqja e internetit viverepiusani.it.
Nga ana tjetër, me kalimin e viteve vdekshmëria e lidhur me sëmundjet kardiovaskulare nuk është ulur, siç ka ndodhur për sëmundjet e tjera.
Në fakt, është identifikuar një rritje e vdekshmërisë kardiovaskulare me 15%.
Nga ana tjetër, aftësia e kufizuar pas një sulmi në zemër ose aksidentit cerebrovaskular është 10 herë më e madhe.
Njerëzit që punojnë në ambiente stresuese janë të ekspozuar ndaj një faktori të përgjithshëm të rrezikut, kështu që ata kanë një rrezik më të lartë (rreth 48%) sesa pjesa tjetër e popullsisë.
Çfarë është stresi i punës
Para së gjithash, ne duhet të përcaktojmë se çfarë nënkuptohet me kushte stresuese të punës. Secili prej nesh e përjeton ngarkesën e punës ndryshe, por disa situata përjetohen negativisht nga të gjithë.
Stresi i punës kuptohet si ndërthurja e një kërkese të lartë psikologjike dhe niveleve të ulëta të kontrollit mbi situatën e punës. Me fjalë të tjera, punonjësi vuan nga detyrat që duhet të kryejë dhe nuk gjen një mënyrë për t’u përshtatur.
Në përgjithësi, punonjësi që ndihet i mbingarkuar nga ideja që duhet të marrë rezultate të caktuara brenda një periudhe të shkurtër kohe është i stresuar.
Kjo gjithashtu e privon atë nga koha e lirë për përmbushjen personale, kryen detyra monotone dhe ndjen se ai është subjekti pasiv i punës së tij.
Simptomat e stresit të punës përfshijnë:
Depresionin
Takikardinë
Gjendjen e ankthit ose shqetësimit
Pagjumësinë
Nervozizmin
Mungesën e përqendrimit
Kontraktimin e muskujve.
