Real Madrid i ka idetë e qarta dhe nuk dëshiron të heqë dorë nga të rinjtë e talentuar që ka në skuadër. “Marca” ka publikuar emrat e katër futbollistëve që nuk do të largohen nga ekipi, edhe pse Zidane më shumë u beson atyre me eksperiencë.
Menaxhimi i të rinjve konsiderohet si një pikë e dobët e trajnerit francez, madje prej kësaj edhe është vënë në dyshim vazhdimi i bashkëpunimit. Gjithsesi klubi nga ana tjetër vlerëson që duhet të fokusohen tek të rinjtë.
Në qendër të vëmendjes është Vinicius Junior, i cili ka treguar një formë të mirë dhe ka qenë vendimtar së fundmi. Fede Valverde dhe Rodrygo gjithashtu shikohen si të paprekshëm, ashtu sikurse edhe Martin Odegaard.
Norvegjezi do të rikthehet në verë nga Arsenali dhe vendimi është marrë. “Topçinjtë” do tentojnë ta bindin klubin spanjoll për ta blerë, por dëshira e Realit është që mesfushori me tipare sulmuese të kthehet dhe të bëhet lojtar i rëndësishëm për ta.
